स्वच्छ भारत मिशन (ग्रामीण) अंतर्गत ज्यांच्या घरी अजूनही शौचालय नाही अशा कुटुंबांना केंद्र सरकारकडून ₹१२,००० चे अनुदान दिले जाते. हे अनुदान थेट लाभार्थ्यांच्या बँक खात्यात जमा होते. विशेष म्हणजे, या योजनेसाठी नागरिक आता घरबसल्या ऑनलाइन अर्ज करू शकतात.
कोण पात्र आहे?
सरकारच्या नियमांनुसार खालील कुटुंबांना शौचालय अनुदानाचा लाभ मिळू शकतो: दारिद्र्यरेषेखालील (BPL) कुटुंबे, SC / ST प्रवर्गातील कुटुंबे, अल्प भूधारक शेतकरी व भूमिहीन मजूर, शारीरिकदृष्ट्या अपंग व्यक्ती असलेले कुटुंब, महिला कुटुंबप्रमुख असलेली घरे, ज्यांच्या घरी स्वतःचे शौचालय नाही आणि यापूर्वी कोणत्याही योजनेतून शौचालयासाठी अनुदान न घेतलेले कुटुंब.
ऑनलाइन अर्ज कसा करावा
या योजनेचा लाभ घेण्यासाठी नागरिक घरबसल्या ऑनलाइन अर्ज करू शकतात. प्रथम, स्वच्छ भारत मिशनच्या अधिकृत वेबसाईट (sbm.gov.in/sbm_dbt/secure/login.aspx) वर जाऊन ‘Citizen Registration’ वर क्लिक करा, नाव, मोबाईल क्रमांक, पत्ता, राज्य आणि कॅप्चा भरून नोंदणी पूर्ण करा.
नोंदणी झाल्यानंतर लॉगिन पेजवर मोबाईल क्रमांक टाकून ‘Get OTP’ करा आणि आलेला OTP भरून साइन इन करा. लॉगिन केल्यानंतर ‘New Application’ पर्यायावर क्लिक करा, राज्य, जिल्हा, तालुका, ग्रामपंचायत आणि गाव निवडा, आधार क्रमांक टाकून ‘Verify Aadhaar’ करा आणि वैयक्तिक माहिती भरा.
नंतर बँक तपशील भरा, IFSC कोड व खाते क्रमांक दुरुस्त करा आणि पासबुकच्या पहिल्या पानाचा फोटो अपलोड करा. सर्व माहिती तपासून ‘Apply’ करा; अर्ज क्रमांक मिळेल जो भविष्यातील संदर्भासाठी जपावा. अर्ज स्थानिक अधिकाऱ्यांकडे पडताळणीसाठी जातो आणि पाहणी व बांधकामाच्या प्रगतीनुसार ₹१२,००० ची रक्कम थेट लाभार्थ्यांच्या बँक खात्यात जमा केली जाते.
Comments are closed.