राज्यातील लाडकी बहीण योजनेच्या लाभार्थी महिलांसाठी एक मोठी आनंदाची बातमी आहे. येत्या १२ मार्चपर्यंत लाडक्या बहिणींच्या खात्यात फेब्रुवारी आणि मार्च महिन्याचे दोन हप्ते जमा होणार असल्याची माहिती राज्याच्या महिला आणि बालविकास मंत्री आदिती तटकरे यांनी दिली आहे.
विरोधकांची टीका, सरकारचा निर्णय
मार्च महिना सुरू होऊनही फेब्रुवारी महिन्याचा हप्ता जमा न झाल्याने विरोधकांकडून सरकारवर जोरदार टीका केली जात होती. मात्र आता लाडक्या बहिणींच्या खात्यात पैसे जमा होण्यास सुरुवात झाली असल्याचे स्पष्ट करत, महिलांना दिलेला शब्द पाळला जात असल्याचे मंत्री तटकरे यांनी सांगितले.
महिला दिनानिमित्त विशेष निर्णय
महिला दिनाचे औचित्य साधत सरकारने फेब्रुवारी आणि मार्च महिन्यांचे दोन्ही हप्ते एकत्रित जमा करण्याचा निर्णय घेतला आहे. त्यामुळे लाभार्थी महिलांना मोठा दिलासा मिळणार आहे.
खात्यात जमा होणार त्वरित रक्कम
मंत्री तटकरे यांनी सांगितले की, काही दिवसांपूर्वीच पैसे जमा करण्याची प्रक्रिया सुरू झाली असून लाभार्थी महिलांच्या बँक खात्यात रक्कम लवकरच पोहोचेल. शासनाच्या या निर्णयामुळे हजारो महिलांना आर्थिक मदतीचा लाभ मिळणार आहे.
लाभार्थींनी खात्याची पडताळणी करावी
लाडकी बहीण योजनेच्या लाभार्थी महिलांनी आपल्या बँक खात्याची पडताळणी करावी आणि पैसे जमा झाले आहेत का, याची खात्री करून घ्यावी. सरकारकडून लाभार्थींना वेळेवर मदत मिळावी, यासाठी प्रयत्न सुरू असल्याचेही त्यांनी सांगितले.
