सरकारी नोकरीच्या शोधात असणाऱ्यांसाठी एक अफलातून संधी उपलब्ध झाली आहे. न्यूक्लियर पॉवर कॉर्पोरेशन ऑफ इंडिया लिमिटेड या प्रतिष्ठित केंद्र शासनाच्या उपक्रमात विविध पदांसाठी १२२ जागांवर भरती प्रक्रिया सुरू आहे.
या भरतीसाठी २७ नोव्हेंबर २०२५ ही शेवटची तारीख असून, इच्छूक उमेदवारांनी त्यापूर्वीच ऑनलाईन पद्धतीने अर्ज करावा.
या भरतीत साहित्य व्यवस्थापन, उपव्यवस्थापक, कनिष्ठ हिंदी अनुवादक अशा अनेक पदांचा समावेश आहे. पदानुसार शैक्षणिक पात्रता वेगवेगळी ठेवण्यात आली आहे. उदाहरणार्थ, डेप्युटी मॅनेजर पदासाठी उमेदवारांकडे मान्यताप्राप्त विद्यापीठाची पदवी किंवा पदव्युत्तर पदवी असणे आवश्यक आहे. तसेच कनिष्ठ हिंदी अनुवादक पदासाठी हिंदी किंवा इंग्रजी विषयातील पदव्युत्तर पदवी आवश्यक आहे.
निवड झालेल्या उमेदवारांना आकर्षक वेतन मिळणार आहे. उपव्यवस्थापक पदासाठी ₹86,955 प्रतिमहिना तर कनिष्ठ हिंदी अनुवादकासाठी ₹54,870 प्रतिमहिना वेतन दिले जाणार आहे. वयोमर्यादा पदानुसार १८ ते ३० वर्षे ठेवण्यात आली असून, शासकीय नियमानुसार वयोमर्यादेत सूट मिळेल.
भरती प्रक्रियेत ऑनलाईन परीक्षा व मुलाखत या दोन टप्प्यांतून उमेदवारांची निवड केली जाईल. अर्ज प्रक्रिया पूर्णपणे ऑनलाईन आहे आणि उमेदवारांनी NPCIL च्या अधिकृत संकेतस्थळावर भेट देऊन अर्ज सादर करावा.
म्हणूनच, ज्यांना सरकारी नोकरीचं स्वप्न पूर्ण करायचं आहे त्यांनी ही सुवर्णसंधी दवडू नये. भरघोस पगार, केंद्र शासनाची नोकरी आणि करिअरची स्थिरता — सगळं काही एका क्लिकवर!
Comments are closed.