एमपीएससी गट-ब परीक्षेची तयारी करणाऱ्या उमेदवारांसाठी मोठी दिलासादायक बातमी आहे. ‘अमृत’ संस्थेमार्फत आर्थिकदृष्ट्या दुर्बल घटकांतील विद्यार्थ्यांसाठी विशेष अर्थसहाय्य योजना सुरू करण्यात आली आहे.
या योजनेअंतर्गत मुख्य परीक्षेच्या तयारीसाठी ₹10,000 तर मुलाखतीसाठी ₹5,000 इतकी आर्थिक मदत दिली जाणार आहे. त्यामुळे उमेदवारांना अभ्यासासाठी आवश्यक खर्च भागवणे सोपे होणार आहे.
ही योजना 2025-26 साठी लागू असून गट-ब संयुक्त पूर्व परीक्षा उत्तीर्ण झालेल्या उमेदवारांनाच याचा लाभ मिळणार आहे. इच्छुक उमेदवारांनी अधिकृत वेबसाइटवर जाऊन ऑनलाइन अर्ज करावा.
अर्ज करण्याची अंतिम तारीख 27 एप्रिल 2026 आहे. त्यामुळे पात्र उमेदवारांनी वेळ न घालवता अर्ज करून या योजनेचा फायदा घ्यावा, असे आवाहन करण्यात आले आहे.
योजनेविषयी सविस्तर माहिती ‘अमृत’च्या अधिकृत संकेतस्थळावर उपलब्ध असून अधिक माहितीसाठी संबंधित जिल्हा कार्यालयाशी संपर्क साधता येईल.
Comments are closed.