नोकरी बदलायची असो किंवा राजीनामा द्यायचा असो—कर्मचाऱ्यांसाठी ही मोठी दिलासादायक बातमी आहे. नवीन कामगार कायद्यानुसार, कंपन्यांना आता फक्त दोन कामकाजाच्या दिवसांत तुम्हाला फुल अँड फायनल (FnF) पगार देणे बंधनकारक झाले आहे.
पूर्वी ज्या कर्मचाऱ्यांना त्यांच्या देण्यांसाठी महिनोन्‌महिने वाट पहावी लागत होती, त्या त्रासाला आता पूर्णविराम मिळणार आहे.
नवीन नियमांनुसार, तुमच्या शेवटच्या कामाच्या दिवसापासून ४८ तासांत सर्व देणी—पगार, रजा इनकॅशमेंट, इतर पेमेंट—चुकते करावी लागतील. मात्र ग्रॅच्युइटीचे नियम वेगळे असल्याने ती त्यानुसारच मिळणार आहे.
आधी कंपन्यांना एफएनएफसाठी ३० दिवसांपर्यंत मुदत होती. बोनस, रजा, ग्रॅच्युइटी इत्यादींच्या कारणाने प्रक्रिया आणखी लांबत असे. आता हा विलंब शक्यच नाही, कारण नवीन कायदा सर्व प्रकारच्या कर्मचाऱ्यांना समान लागू होतो—राजीनामा, बडतर्फी किंवा रिट्रेंचमेंट कोणताही प्रकार असो.
या निर्णयामुळे कर्मचाऱ्यांना मोठा फायदा—
- आता महिनोन्‌महिने वाट पाहावी लागणार नाही
- पगार रोखून ठेवण्यावर आळा
- नोकरी बदलणं सोपं
- आर्थिक स्थैर्य वाढणार
कंपन्यांना मात्र HR आणि पेरोल अधिक वेगात आणि पारदर्शकपणे हाताळावे लागतील. नियम पाळले नाहीत तर कारवाईही होऊ शकते.
Comments are closed.