नाशिक ग्रामीण पोलिस भरतीच्या लेखी परीक्षेत प्रश्न व उत्तरांच्या पर्यायांमध्ये मोठा गोंधळ झाल्याचे समोर आले आहे. काही प्रश्नांमध्ये तांत्रिक चुका असल्यामुळे उमेदवारांमध्ये संभ्रम निर्माण झाला होता.
विशेष म्हणजे ‘पहिले महाराष्ट्र भूषण कोण’ या प्रश्नात Pu. La. Deshpande यांचे नाव पर्यायांमध्ये नसल्याने ही चूक अधिक चर्चेत आली. तसेच एकूण तीन प्रश्नांमध्ये अशाच प्रकारच्या त्रुटी आढळल्या.
या पार्श्वभूमीवर पोलिस प्रशासनाने अंतिम उत्तरतालिका जाहीर करत सर्व उमेदवारांना सरसकट ३ गुण देण्याचा निर्णय घेतला आहे. काही प्रश्नांमध्ये एकापेक्षा जास्त योग्य पर्याय असल्याचेही स्पष्ट करण्यात आले आहे.
दरम्यान, या भरती प्रक्रियेत २१० शिपाई आणि ५२ चालक पदांसाठी निवड सुरू असून, आगामी सिंहस्थ मेळ्यापूर्वी पोलिस दलाची ताकद वाढवण्यासाठी ही भरती महत्त्वाची ठरणार आहे.
Comments are closed.