राज्यातील जवळपास ३.१६ कोटी वीज ग्राहकांना चालू महिन्यात दिलासा मिळणार आहे. त्यापैकी २.३३ कोटी घरगुती ग्राहकांच्या वीजबिलात सरासरी १५% घट होणार आहे. गेल्या आठवड्यात उच्च न्यायालयाने दिलेल्या आदेशानुसार राज्य सरकारी महावितरणाने ग्राहकांना दरकपातीचा लाभ दिला आहे, ज्यामुळे १ एप्रिलच्या देयकात सरासरी ३४० रुपये कपात झाली आहे.
महावितरणाचे ग्राहक मुंबई महापालिकेच्या भांडुप ते मुलुंड क्षेत्रासह संपूर्ण महामुंबई आणि राज्यभर आहेत. महामुंबईतील घरगुती ग्राहकांचा सरासरी वीजवापर ३०० युनिट असून, त्यावर चालू महिन्याचे बिल ३४० रुपये कमी होईल.
दर पाच वर्षांनी वीज कंपन्यांच्या दरांची पुनर्नियुक्ती होते. १ एप्रिल २०२५ ते ३१ मार्च २०३० साठी नवे दर महाराष्ट्र वीज नियामक आयोगाने २९ मार्चला जाहीर केले होते. त्यात घरगुती ग्राहकांच्या चार श्रेणींसाठी सरासरी २.०८ रुपये प्रतियुनिट (१५.५६%) कपात होणार होती. मात्र, या कपातीमुळे दीड लाख कोटींची महसुली तूट निर्माण होण्याची शक्यता असल्याने महावितरणाने आयोगाकडे फेरविचार याचिका दाखल केली आणि दरकपाती तात्पुरती स्थगित केली होती.
यानंतर जूनअखेर निर्णय झाला आणि १ जुलै २०२५ पासून नवीन दर लागू झाले. त्यानुसार चारही श्रेणींमध्ये सरासरी ३.३५% दरवाढ झाली. या प्रकरणावर मुंबई उच्च न्यायालयात सुनावणी झाली, ज्यात न्यायालयाने १ जुलैपासूनचे उच्च दर स्थगित करत एप्रिलपासूनचे स्वस्त दर ग्राहकांसाठी लागू करण्याचे निर्देश ३ नोव्हेंबरला दिले.
या निर्णयामुळे राज्यातील ग्राहकांना वीजबिलात मोठा दिलासा मिळाला असून, घरगुती वापरावर सरासरी २ रुपये प्रतियुनिट कपात झाली आहे.
Comments are closed.