मुख्यमंत्री माझी लाडकी बहीण योजनेसाठी e-KYC करण्यासाठी लाभार्थ्याने प्रथम ladakibahin.maharashtra.gov.in या अधिकृत संकेतस्थळाला भेट द्यावी. मुखपृष्ठावर उपलब्ध e-KYC बॅनरवर क्लिक केल्यावर e-KYC फॉर्म उघडेल.
या फॉर्ममध्ये लाभार्थ्याने आपला आधार क्रमांक आणि पडताळणी संकेतांक (Captcha Code) भरावा आणि आधार प्रमाणीकरणासाठी संमती देत Send OTP बटणावर क्लिक करावे. नंतर आधाराशी लिंक केलेल्या मोबाईल नंबरवर OTP येईल. हा OTP फॉर्ममध्ये टाकून Submit बटणावर क्लिक करावे.
सिस्टम तपासेल की लाभार्थ्याची e-KYC आधीच पूर्ण झाली आहे की नाही. जर आधीच पूर्ण झाली असेल तर “e-KYC आधीच पूर्ण झाली आहे” असा संदेश दिसेल. जर e-KYC पूर्ण नसेल तर सिस्टम लाभार्थ्याचा आधार क्रमांक योजनेच्या पात्र यादीत आहे की नाही, हे तपासेल. आधार क्रमांक पात्र असल्यास पुढील टप्प्यात जाता येईल.
यानंतर लाभार्थ्याने पती किंवा वडिलांचा आधार क्रमांक आणि पडताळणी संकेतांक (Captcha Code) भरावा. संमती देत Send OTP वर क्लिक करावे. OTP प्राप्त झाल्यावर तो टाकून Submit बटणावर क्लिक करावे.
नंतर लाभार्थ्याला आपला जात प्रवर्ग निवडावा लागेल आणि खालील बाबी प्रमाणित (Declaration) कराव्या लागतीलः
- माझ्या कुटुंबातील सदस्य नियमित किवा कायम कर्मचारी म्हणून शासकीय विभाग/उपक्रम/मंडळ/भारत सरकार किंवा राज्य शासनाच्या स्थानिक संस्थेत कार्यरत नाहीत किंवा निवृत्तीवेतन घेत नाहीत.
- माझ्या कुटुंबातील केवळ एक विवाहित आणि एक अविवाहित महिला या योजनेचा लाभ घेत आहेत.
वरील बाबींची नोंद करून चेक बॉक्सवर क्लिक करावे आणि Submit बटण दाबावे.
शेवटी, “Success – तुमची e-KYC पडताळणी यशस्वीरित्या पूर्ण झाली आहे” असा संदेश दिसेल, ज्यामुळे e-KYC प्रक्रिया पूर्ण होते.
Comments are closed.