एमपीएससीनं आता स्पर्धा परीक्षा अर्जासाठी ई-केवायसी सक्तीचं केलंय. म्हणजे काय तर, अर्ज करताना आधी तुमची ओळखपडताळणी व्हायलाच पाहिजे, नाहीतर अर्ज धुडकावला जाणार. आयोगानं स्पष्ट सांगितलंय – उमेदवाराचं एकच प्रोफाइल चालणार, बाकी सगळी खाती आपोआप बंद समजली जातील.
ह्या नव्या नियमामुळे परीक्षा प्रक्रियेत पारदर्शकता येणार, आणि खोट्या ओळखीनं अर्ज करणाऱ्या लोकांना आता चान्स मिळणार नाही. त्यामुळे खरंच पात्र असलेल्या मुलांना योग्य संधी मिळेल, असं सांगितलं जातंय.
ई-केवायसी करायचं कसं?
आधी https://mpsc.gov.in/home या साईटवर जाऊन वन टाईम रजिस्ट्रेशन (OTR) करा. नंतर आधार कार्ड, मोबाईल नंबर आणि ओळखपत्र घालून ई-केवायसी पूर्ण करा. लक्षात ठेवा – मोबाईल नंबर आधारशी लिंक असायलाच हवा नाहीतर OTP येणार नाही आणि प्रक्रिया अडेल.
आता ई-केवायसी एकदाच करायचं, मग पुढच्या सगळ्या परीक्षांना तोच प्रोफाइल वापरायचा. परीक्षा मार्गदर्शकांनीही ह्या निर्णयाचं स्वागत केलंय. तुमच्या तयारीला खंड न पडता, ही प्रक्रिया वेळेवर पूर्ण करा, असा सल्ला आयोगानं दिलाय
Comments are closed.