दिल्लीमध्ये सरकारी नोकरी मिळवायची इच्छा बाळगणाऱ्यांसाठी ही भन्नाट संधी आहे. दिल्ली अधीनस्थ सेवा निवड मंडळानं (DSSSB) दिल्ली उच्च न्यायालयात विविध पदांसाठी भरतीची घोषणा केली आहे. दहावी उत्तीर्ण असलेल्या उमेदवारांना या भरतीतून सरकारी सेवेत प्रवेश मिळवण्याची उत्तम संधी आहे.
एकूण जागा व पदांची माहिती
एकूण जागा व पदांची माहितीया भरतीद्वारे एकूण ३३४ पदं भरली जाणार असून, यामध्ये खालीलप्रमाणे पदांचा समावेश आहे:
कोर्ट अटेंडंट – २९५ जागा
कोर्ट अटेंडंट (S) – २२ जागा
कोर्ट अटेंडंट (L) – १ जागा
रूम अटेंडंट (H) – १३ जागा
सिक्युरिटी अटेंडंट – ३ जागा
अर्ज प्रक्रिया कधी सुरू?
या भरतीसाठी अर्ज २६ ऑगस्ट २०२५ पासून सुरू होणार असून, २४ सप्टेंबर २०२५ ही अंतिम मुदत आहे. त्यामुळे इच्छुक उमेदवारांनी वेळ न दवडता तयारी करावी.
पात्रता व वयोमर्यादा
या पदांसाठी अर्ज करण्यासाठी उमेदवार किमान १०वी उत्तीर्ण असणे गरजेचे आहे. वयाची अट ही १८ ते २७ वर्षे इतकी असून, राखीव प्रवर्गातील उमेदवारांना वयात सूट देण्यात येणार आहे.
अर्ज शुल्क किती?
सामान्य/OBC/EWS उमेदवारांसाठी अर्ज शुल्क ₹१०० आहे.
SC/ST/PwD उमेदवारांसाठी हे शुल्क पूर्णपणे माफ करण्यात आले आहे.
शुल्काची भरपाई फक्त ऑनलाइन पद्धतीनेच करता येईल – डेबिट/क्रेडिट कार्ड किंवा नेट बँकिंगच्या माध्यमातून.
परीक्षा पद्धती व निवड प्रक्रिया
टियर-1 (पूर्व परीक्षा):
१०० MCQ प्रश्न, एकूण १०० गुण
१५० मिनिटांची परीक्षा
विषय: हिंदी, इंग्रजी, सामान्य ज्ञान (GK), अंकगणित
प्रत्येक चुकीच्या उत्तरासाठी 0.25 गुण वजा
उत्तीर्ण गुण:
अनारक्षित – ५०
SC/ST/OBC/EWS/PWD – ४५
टियर-2 (मुलाखत):
मुलाखतीसाठी १५ गुण
मुलाखतीत उमेदवाराचे व्यक्तिमत्त्व, वर्तन आणि संवाद कौशल्य तपासले जाईल
फक्त टियर-1 मध्ये पात्र ठरलेल्यांनाच बोलावलं जाईल
अंतिम निवड टियर-1 + टियर-2 च्या गुणांवर आधारित असेल
अर्ज कसा कराल? (Step-by-step)
DSSSB च्या अधिकृत वेबसाइटला भेट द्या
“Online Apply” लिंकवर क्लिक करा
नवीन उमेदवार असल्यास, नोंदणी करा (आधार, ईमेल, मोबाइल नंबर इत्यादी देऊन)
नंतर लॉगिन करून अर्ज भरा
सर्व आवश्यक कागदपत्रं अपलोड करा
अर्ज शुल्क ऑनलाईन पद्धतीने भरून फॉर्म सबमिट करा
अर्जाची प्रिंट काढून ठेवा – पुढील प्रक्रियेसाठी उपयुक्त
ही भरती दहावी उत्तीर्णांसाठी सुवर्णसंधी ठरू शकते. सरकारी नोकरीच्या शोधात असलेल्यांसाठी DSSSB चा हा उपक्रम नक्कीच फायदेशीर ठरू शकतो.
