DRDO अंतर्गत येणाऱ्या INMAS संस्थेत 2026-27 साठी बायोटेक्नॉलॉजी इंटर्नशिपची सुवर्णसंधी उपलब्ध झाली आहे. अंतिम वर्षातील UG आणि PG विद्यार्थ्यांसाठी ही ६ महिन्यांची पेड इंटर्नशिप असून ती दिल्ली येथे ऑफलाइन होणार आहे.
या इंटर्नशिपमध्ये विद्यार्थ्यांना रेडिएशन प्रोटेक्शन, सैनिकांच्या आरोग्याशी संबंधित संशोधन आणि बायोटेक क्षेत्रातील प्रत्यक्ष कामाचा अनुभव मिळणार आहे. भारताच्या संरक्षण क्षेत्रातील रिसर्चमध्ये थेट योगदान देण्याची ही उत्तम संधी मानली जाते.
पात्रतेसाठी उमेदवारांनी किमान 75% गुण (7.5 CGPA) मिळवलेले असावेत. फक्त अंतिम वर्षातील B.E./B.Tech किंवा M.Sc./M.Tech विद्यार्थी अर्ज करू शकतात आणि वयोमर्यादा 28 वर्षांखाली असावी.
निवड शैक्षणिक गुणवत्तेवर आधारित असून आवश्यक असल्यास ऑनलाइन मुलाखत घेतली जाऊ शकते. निवड झालेल्या उमेदवारांना दरमहा ₹5000 स्टायपेंड दिले जाईल.
अर्ज करण्याची अंतिम तारीख 30 एप्रिल 2026 आहे. अर्ज ईमेलद्वारे आवश्यक कागदपत्रांसह पाठवावा लागेल आणि Google Form देखील भरावा लागेल. निवड झालेल्या उमेदवारांना 1 जून 2026 पासून इंटर्नशिप सुरू होईल.
ही इंटर्नशिप मिळाल्यास विद्यार्थ्यांना राष्ट्रीय सुरक्षेशी संबंधित अत्याधुनिक संशोधनाचा अनुभव मिळून भविष्यातील करिअरसाठी मोठा फायदा होऊ शकतो.
Comments are closed.