आता नागरिकांना ई-सर्च आणि ‘आपले सरकार’ प्रणालीद्वारे काढण्यात येणाऱ्या नोंदणीकृत दस्तांवर डिजिटल स्वाक्षरी मिळणार आहे. यामुळे सरकारी कामांसाठी स्वतंत्र कार्यालयात जाण्याची गरज नाही.
‘ई-प्रमाण’ प्रणालीची सुरुवात:
नोंदणी व मुद्रांक शुल्क विभागाने ‘ई-प्रमाण’ ही नवीन सुविधा विकसित केली असून, प्रायोगिक तत्त्वावर सातारा जिल्ह्यापासून सुरु होणार आहे. या सुविधेत 1985 पासूनचे दस्त उपलब्ध करून दिले जातील.
डिजिटल स्वाक्षरीची सोय:
दर पानावर संबंधित दुय्यम निबंधकांची डिजिटल स्वाक्षरी असेल. नागरिक एसएमएसद्वारे किंवा लॉगिनमध्ये डाउनलोड लिंक मिळवू शकतात. ‘ग्रीन टिक’ किंवा ‘डिजिटल टिक’ वापरून दस्ताची सत्यता सहज तपासता येईल.
कसे मिळेल दस्त:
ई-सर्व्हिसेस किंवा आपले सरकार पोर्टलवर अर्ज केल्यावर दुय्यम निबंधक डिजिटल स्वाक्षरी करतील. त्यामुळे नागरिकांना घरबसल्या नोंदणीकृत डिजिटल दस्तांची प्रत मिळणार आहे. ही सुविधा राज्य सरकारच्या सेवा पंधरवडा उपक्रमांतर्गत उपलब्ध होईल.
Comments are closed.