नोकरीच्या शोधात असणाऱ्यांसाठी भारीच बातमी समोर आलीये. आयटी क्षेत्रात गेलं वर्षभर कर्मचारी कपातीची टांगती तलवार असली, तरी आता सायबर सिक्युरिटीमुळे रोजगाराच्या नव्या दारांना जोरदार उघड झालीये. कारण, देशातल्या तब्बल ९०% कंपन्या पुढच्या वर्षभरात सायबर सिक्युरिटी प्रोफेशनल्सची मोठी भरती करणार आहेत.
सायबर हल्ल्यांचं प्रमाण वाढलंय, आणि कंपनीचा डेटा सांभाळण्यासाठी आता ट्रेनिंग घेतलेले तज्ज्ञ हवेतच हवेत. रूब्रिक झिरो लॅब्सच्या रिपोर्टनुसार, पुढच्या १२ महिन्यांत भारतीय कंपन्या डिजिटल आयडेंटिटी, इन्फ्रास्ट्रक्चर आणि सिक्युरिटी पाहण्यासाठी ठराविक व्यावसायिक घेणार आहेत.
AI मुळे वाढलेली ‘ओळख’ व्यवस्थापनाची मागणी
कंपन्यांमध्ये एआयचा वापर इतका वाढलाय की फक्त माणसांचीच नव्हे तर मशिन्स आणि सॉफ्टवेअरचीही ‘आयडेंटिटी’ सांभाळणं महत्त्वाचं बनलंय. याच ‘आयडेंटिटी क्रायसिस’ रिपोर्टनुसार, CIO आणि CISO सारखे टेक प्रमुख आता या नवीन प्रकारच्या सायबर धोक्यांपासून कंपनी वाचवण्यावर जास्त लक्ष देतायत.
सायबर सुरक्षा नोकऱ्यांची झपाट्याने वाढ
देशात डिजिटायझेशनच्या गाडीला वेग मिळतोय, तसंच सायबर धोकेही वाढतायत. त्यामुळे या क्षेत्रातील जॉब मार्केट एकदम मजबूत बनलंय. अंदाज असा की ३५ लाखांपेक्षा जास्त नोकऱ्या सायबर सिक्युरिटीमध्ये निर्माण होऊ शकतात. कंपन्या भरतीबरोबरच उत्तम पगार आणि सुविधा देऊन कुशल लोकांना टिकवून ठेवण्याचा प्रयत्न करतायत.
कोणत्या नोकऱ्यांना सर्वाधिक मागणी?
सायबर सिक्युरिटीचं शिक्षण आता विविध कोर्सेसमध्ये उपलब्ध आहे. बी.टेकमध्येही अनेक संस्थांत हा पर्याय दिला जातो. सायबर सिक्युरिटीमध्ये डिग्री घेतलेल्या तरुणांसाठी पुढील भूमिकांमध्ये मोठ्या संधी आहेत:
- सायबर सिक्युरिटी ॲनालिस्ट
- एथिकल हॅकर
- पेनेट्रेशन टेस्टर
- इन्फॉर्मेशन सिक्युरिटी मॅनेजर
याशिवाय, सरकारी नोकरी हवी असेल तर ISRO, DRDO सारख्या संस्थांमध्येही चांगल्या संधी उपलब्ध आहेत.
तरुणांनो, सायबर सिक्युरिटीची डिग्री असेल तर रेझ्युमे तयार ठेवा — संधी तुमच्या दाराशी येतेय!
Comments are closed.