केंद्र सरकारच्या मात्स्यिकी संशोधनाशी संबंधित अत्यंत प्रतिष्ठित अशा केंद्रीय समुद्री मात्स्यिकी संशोधन संस्था (CMFRI) मार्फत महाराष्ट्रातील पात्र उमेदवारांसाठी एक उत्तम करिअर संधी उपलब्ध झाली आहे. या संस्थेने यंग प्रोफेशनल आणि फील्ड असिस्टंट या दोन महत्त्वाच्या पदांसाठी अर्ज मागवले आहेत. मुंबईच्या वर्सोवा येथील सीएमएफआरआय केंद्रामध्ये ही भरती प्रक्रिया राबविण्यात येणार आहे.
सीएमएफआरआय मार्फत रेवस-रेड्डी या प्रस्तावित सागरी महामार्गामुळे किनारी उपजीविकेवर होणाऱ्या संभाव्य परिणामांचा अभ्यास करण्यात येणार आहे. यासाठी एक विशेष प्रकल्प राबवला जात असून, त्या अंतर्गत तीन पदांसाठी ही भरती होणार आहे. हे प्रकल्प अत्यंत अभ्यासपूर्ण व समाजोपयोगी स्वरूपाचे असल्यामुळे इच्छुक उमेदवारांना संशोधन क्षेत्रात अनुभव घेण्याची ही उत्तम संधी आहे.
या प्रकल्पासाठी यंग प्रोफेशनल पदासाठी २ जागा उपलब्ध आहेत. इच्छुक उमेदवारांकडे B.Sc. आणि मत्स्यविज्ञान विषयात पदव्युत्तर पदवी असणे आवश्यक आहे. उमेदवारांचे वय २१ ते ४५ वर्षांदरम्यान असावे. निवड झालेल्या उमेदवारांना दरमहा ३०,००० रुपये मानधन दिले जाईल. या पदासाठी निवड झालेल्या व्यक्तींना धरमतर ते रेवदंडा खाडी आणि केळशी ते जयगड खाडी या किनारपट्टीच्या भागातील बदल व परिणाम अभ्यासण्याचे काम सोपवले जाईल.
फील्ड असिस्टंट या पदासाठी १ जागा उपलब्ध आहे. या पदासाठीही मत्स्यविज्ञान विषयात पदवी असलेल्या उमेदवारांना प्राधान्य दिले जाणार आहे. ही पोस्ट संशोधन क्षेत्रातील प्रत्यक्ष कार्यानुभवासाठी अत्यंत उपयुक्त ठरणार आहे.
सर्व इच्छुक उमेदवारांनी १८ ऑगस्ट २०२५ रोजी सकाळी १०.०० वाजता CMFRI, दुसरा मजला, CIFE जुना कॅम्पस, सात बंगला, वर्सोवा, अंधेरी पश्चिम, मुंबई येथे ‘वॉक-इन इंटरव्ह्यू’ साठी हजर राहणे आवश्यक आहे. उमेदवारांनी अर्ज www.cmfri.org.in या संकेतस्थळावरून डाऊनलोड करून आवश्यक त्या कागदपत्रांसह दिलेल्या पत्त्यावर वेळेत पोहोचावे.
ही संधी फक्त नोकरीसाठीच नव्हे, तर समाजाच्या हितासाठी सागरी पर्यावरण व उपजीविकेच्या अभ्यासात योगदान देण्याची एक महत्त्वाची संधी आहे. संशोधन क्षेत्रात करिअर घडवू इच्छिणाऱ्या तरुणांसाठी सीएमएफआरआयच्या या भरतीत नक्कीच सहभाग घ्यावा.
