राज्य सामाईक प्रवेश परीक्षा कक्षाने एलएलबी (५ वर्षे), बीएस्सी नर्सिंग तसेच डीपीएन-पीएचएन अभ्यासक्रमांच्या प्रवेश नोंदणीस ३१ मार्चपर्यंत मुदतवाढ दिली आहे. विद्यार्थ्यांच्या मागणीनुसार ही अंतिम तारीख वाढवण्यात आली असून इच्छुकांना अर्जासाठी अतिरिक्त वेळ मिळाला आहे.
यंदा सीईटी अंतर्गत १७ अभ्यासक्रमांसाठी तब्बल १२ लाख ९९ हजार ८३१ विद्यार्थ्यांनी नोंदणी केली आहे, तर एकूण सुमारे १७ लाख ४७ हजार ४८२ विद्यार्थी परीक्षा देणार आहेत. एलएलबी (५ वर्षे) नोंदणीची मुदत १५ मार्च होती, मात्र ती आता १६ ते ३१ मार्चपर्यंत वाढवण्यात आली आहे.
परीक्षांच्या वेळापत्रकानुसार डीपीएन-पीएचएन परीक्षा ५ मे रोजी, बीएस्सी नर्सिंग परीक्षा ६ व ७ मे रोजी, तर एलएलबी परीक्षा ८ मे २०२६ रोजी होणार आहे. सर्व परीक्षा ऑनलाइन पद्धतीने विविध केंद्रांवर घेतल्या जाणार आहेत.
बीएस्सी नर्सिंगसाठी आतापर्यंत ४३ हजारांहून अधिक विद्यार्थ्यांनी नोंदणी केली असून मागील वर्षाच्या तुलनेत हा आकडा थोडा कमी आहे. तरीही मोठ्या प्रमाणावर विद्यार्थी या परीक्षांसाठी तयारी करत असल्याचे दिसून येते.
Comments are closed.