देशभरातील विद्यार्थी दिवाळीच्या सुट्टीत असतानाच सीबीएसईने १०वी आणि १२वीच्या प्रयोगात्मक परीक्षा, प्रोजेक्ट व अंतर्गत मूल्यांकनाचे वेळापत्रक जाहीर केले आहे.
हिवाळी सत्रातील शाळांमध्ये ६ नोव्हेंबर ते ६ डिसेंबर २०२५ या कालावधीत परीक्षा पार पडतील, तर इतर शाळांमध्ये प्रयोगात्मक परीक्षा १ जानेवारी २०२६ पासून सुरू होतील.
हिवाळी सत्रातील शाळांना हवामानाच्या अडचणींमुळे नोव्हेंबरपासून परीक्षा घेण्याची मुभा आहे; त्यामध्ये काश्मीर, हिमालयीन भाग आणि उत्तर भारतातील थंड प्रदेशातील शाळा येतात. इतर सीबीएसई संलग्न शाळांमध्ये प्रयोग, प्रोजेक्ट आणि अंतर्गत मूल्यमापन नववर्षापासून सुरू होईल. नंतर बोर्ड लेखी परीक्षा १२ फेब्रुवारी २०२६ पासून देशभरात एकसमान वेळापत्रकानुसार होईल.
सीबीएसईने शाळांना सुचवले आहे की, प्रयोग परीक्षा आयोजित करण्यापूर्वी प्रयोगशाळा, उपकरणे, शिक्षक व वेळापत्रकाचे नियोजन पूर्ण करावे. तसेच, विद्यार्थ्यांची यादी ऑनलाइन सादर न झाल्यास कोणालाही परीक्षा देऊ नये आणि प्रत्येक प्रयोगासाठी एका सत्रात केवळ ३० विद्यार्थ्यांचा गट ठेवावा.
Comments are closed.