भारत डायनॅमिक्स लिमिटेड (BDL) ने मॅनेजमेंट ट्रेनी (MT) भरती 2025 साठी ऑनलाइन अर्ज प्रक्रिया सुरू केली असून, एकूण 80 पदे भरण्यात येणार आहेत. संरक्षण उत्पादन क्षेत्रात थेट काम करण्याची संधी मिळणार असल्याने ही तरुणांसाठी महत्त्वाची भरती मानली जात आहे.
ही भरती 3 डिसेंबर 2025 पासून खुली असून, अर्ज करण्याची अंतिम तारीख 29 डिसेंबर 2025 आहे. इच्छुक उमेदवारांनी शेवटच्या दिवसाची वाट न पाहता bdl-india.in या अधिकृत संकेतस्थळावरून वेळेत अर्ज करावा, असा सल्ला देण्यात आला आहे.
BDL कडून टेक्निकल आणि नॉन-टेक्निकल अशा दोन्ही प्रवाहांत पदे जाहीर करण्यात आली आहेत. मेकॅनिकल, इलेक्ट्रॉनिक्स, इलेक्ट्रिकल, कॉम्प्युटर सायन्स, केमिकल, सिव्हिलसोबतच फायनान्स आणि ह्युमन रिसोर्स विभागांत संधी उपलब्ध आहे.
शैक्षणिक पात्रतेबाबत, इंजिनिअरिंग पदांसाठी संबंधित शाखेतील BE/BTech, फायनान्ससाठी CA/ICWA/MBA (Finance) तर HR साठी MBA किंवा PG Diploma (HR/Personnel/IR) आवश्यक आहे. प्रत्येक पदासाठी ठराविक अटी लागू राहतील.
निवड प्रक्रिया दोन टप्प्यांत पार पडणार आहे. प्रथम CBT परीक्षा (150 प्रश्न, 2 तास, 85% वेटेज) घेतली जाईल. त्यानंतर यशस्वी उमेदवारांची मुलाखत होईल, ज्याला अंतिम गुणवत्तेत 15% महत्त्व दिले जाईल.
Comments are closed.