इन्स्टिट्यूट ऑफ बँकिंग पर्सनल सिलेक्शन (IBPS) आणि रिजनल रूरल बँक (RRBs) मार्फत देशभरातील २८ राज्यांमधील २८ RRBs मध्ये १३,२१७ रिक्त पदांसाठी भरती चालू आहे. यामध्ये Office Assistant (Multipurpose), Officer Scale-I, Officer Scale-II, आणि Officer Scale-III पदांचा समावेश आहे.
महाराष्ट्रातील मुख्य बँक म्हणजे महाराष्ट्र ग्रामीण बँक, जिथे एकूण १०० पदे रिक्त आहेत. ऑफिस असिस्टंट पदांसाठी अजा, अज, इमाव, ईडब्ल्यूएस आणि खुला प्रकारानुसार पदे राखीव आहेत. उमेदवार पदवीधर असावा, स्थानिक भाषा (मराठी) माहित असावी आणि कॉम्प्युटर ज्ञान आवश्यक आहे.
परीक्षेची रचना अशी आहे की पूर्व परीक्षा ८० प्रश्नांची आणि ८० गुणांची असते, ४५ मिनिटांत पूर्ण करावी लागते. मुख्य परीक्षा २०० प्रश्नांची आणि २०० गुणांची असून त्यासाठी २ तास वेळ दिला जातो. परीक्षेत रिझनिंग, कॉम्प्युटर ज्ञान, जनरल अवेअरनेस, भाषा आणि न्यूमरिकल/क्वांटिटेटिव्ह अॅप्टिट्यूड यांचा समावेश आहे. महाराष्ट्रातील उमेदवारांसाठी परीक्षा मराठी, इंग्रजी, हिंदी किंवा कोंकणी भाषेत घेता येईल.
वयोमर्यादा Office Assistant साठी १८ ते २८ वर्षे, Officer Scale-I साठी १८ ते ३० वर्षे, Officer Scale-II साठी २१ ते ३२ वर्षे, आणि Officer Scale-III साठी २१ ते ४० वर्षे आहे. विविध जात/प्रवर्गांसाठी आणि दिव्यांगांसाठी वयोमर्यादेत सूट दिली आहे.
अर्ज शुल्क सामान्य उमेदवारांसाठी ₹८५०/- असून अजा, अज, अपंग, ESM/DESM यांना ₹१७५/- भरावे लागेल. ऑफिस असिस्टंट आणि ऑफिसर पदांसाठी वेगवेगळे अर्ज करावे लागतात, परंतु Officer Scale-I, II, III साठी फक्त एका पदासाठी अर्ज करता येईल.
विशेष वर्गांसाठी (अजा, अज, इमाव, अल्पसंख्यांक, माजी सैनिक, दिव्यांग) परीक्षा पूर्व प्रशिक्षण देण्यात येईल. प्रशिक्षण केंद्रे नागपूर, गांधीनगर, इंदोर, रायपूर इत्यादी ठिकाणी असतील. कॉल लेटर डिसेंबर २०२५ किंवा जानेवारी २०२६ पासून डाउनलोड करता येईल.
महत्वाच्या तारखा: ऑनलाइन अर्ज २१ सप्टेंबर २०२५ पर्यंत करता येतील. पूर्व परीक्षा नोव्हेंबर/डिसेंबर २०२५ मध्ये, मुख्य परीक्षा डिसेंबर २०२५/जानेवारी २०२६ मध्ये होईल. ऑफिसर स्केल-I, II, III पदांसाठी मुलाखत जानेवारी/फेब्रुवारी २०२६ मध्ये होईल, तर प्रोव्हिजनल अलॉटमेंट फेब्रुवारी/मार्च २०२६ मध्ये दिले जाईल.
