बी. फार्मसी नोंदणीसाठी पुन्हा मुदत वाढवली आहे, आता १९ ऑगस्टपर्यंत नोंदणी करता येणार आहे. या विलंबामुळे विद्यार्थ्यांमध्ये खळबळ उडाली आहे. औषधनिर्माणशास्त्राचा प्रवेश दरवर्षी उशिरा होतोय, यामुळे अभ्यासक्रमावरही परिणाम होत आहे.
शैक्षणिक वर्ष २०२५-२६ साठी बी. फार्मसी प्रथम वर्षाच्या प्रवेशाला आता अखेरची मुदत वाढ देण्यात आली आहे. एमएचटी सीईटी परीक्षा घेऊन विविध व्यावसायिक अभ्यासक्रमांना प्रवेश दिला जातोय, पण फार्मसी प्रवेश प्रलंबित आहे.
सध्या सुधारित वेळापत्रकानुसार, पहिली प्रवेश फेरी सप्टेंबर महिन्यात सुरु होणार आहे. २२ ऑगस्टला तात्पुरती गुणवत्ता यादी जाहीर होईल, नंतर २३-२५ ऑगस्ट दरम्यान सुधारणा नोंदविण्याची संधी असेल. अखेर २८ ऑगस्टला अंतिम गुणवत्ता यादी प्रसिद्ध होणार आहे.
गेल्या दोन वर्षांत औषधनिर्माणशास्त्र अभ्यासक्रमाच्या प्रवेश प्रक्रियेत वारंवार उशीर होत आहे, यामुळे अभ्यासक्रमावर व प्राध्यापकांवरही ताण येत आहे.
Comments are closed.