बीएड सीईटी परीक्षेच्या पहिल्याच दिवशी राज्यातील काही केंद्रांवर तांत्रिक अडचणी निर्माण झाल्याने विद्यार्थ्यांना मोठा त्रास सहन करावा लागला. परभणी, नांदेड आणि नागपूर येथील परीक्षा केंद्रांवर यंत्रणा बंद पडल्यामुळे संबंधित सत्रातील परीक्षा पुढे ढकलण्यात आल्या.
परभणीतील केंद्रावर शॉर्टसर्किटमुळे परीक्षा थांबली, तर नांदेडमध्ये तांत्रिक बिघाडामुळे अनेक विद्यार्थ्यांना पेपर देता आला नाही. नागपूरमध्ये वीजपुरवठा खंडित झाल्याने सुमारे ३०० विद्यार्थ्यांची परीक्षा रखडली.
राज्यभरात एकूण १.१० लाख विद्यार्थ्यांनी नोंदणी केली असून पहिल्याच दिवशी सुमारे ८९% उपस्थिती नोंदवली गेली. प्रभावित विद्यार्थ्यांची परीक्षा २८ किंवा २९ मार्चला पुन्हा घेण्यात येणार असून त्याची माहिती ई-मेल आणि मेसेजद्वारे दिली जाणार आहे.
या प्रकारामुळे परीक्षा व्यवस्थापनावर प्रश्न उपस्थित होत असून विद्यार्थ्यांमध्ये नाराजीचे वातावरण आहे.
Comments are closed.