राज्य सामाईक प्रवेश परीक्षा कक्षाने कला शिक्षण अभ्यासक्रमांच्या CET प्रवेश नोंदणीसाठी मुदतवाढ दिली आहे. आधी अर्जाची अंतिम तारीख 13 मार्च होती; मात्र विद्यार्थ्यांना अधिक संधी मिळावी म्हणून आता नोंदणीची अंतिम तारीख 16 मार्च 2026 करण्यात आली आहे.
ही नोंदणी रेखा व रंगकला, शिल्पकला, वस्त्रकला, मातीकाम, अंतर्गत सजावट, धातूकला आणि उपयोजित कला या विविध कला शिक्षण अभ्यासक्रमांसाठी लागू आहे. इच्छुक विद्यार्थ्यांना आता अतिरिक्त वेळ मिळणार आहे.
यंदा या अभ्यासक्रमांसाठी अपेक्षेपेक्षा कमी प्रतिसाद मिळाल्याने अधिकाधिक विद्यार्थ्यांनी अर्ज करावा यासाठी CET सेलने नोंदणीची मुदत वाढवण्याचा निर्णय घेतला आहे.
इच्छुक उमेदवारांनी mahacet.org या अधिकृत संकेतस्थळावर जाऊन ऑनलाइन अर्ज करावा. या अभ्यासक्रमांसाठीची CET परीक्षा राज्यातील विविध केंद्रांवर संगणकाधारित (CBT) पद्धतीने घेतली जाणार आहे.
Comments are closed.