बारावी उत्तीर्ण तरुण-तरुणींना इंडियन आर्मीमध्ये करिअर करण्याची सुवर्णसंधी मिळाली आहे. अविवाहित पुरुष व महिला लॉ ग्रॅज्युएट्स (LL.B.) शॉर्ट सर्व्हिस कमिशन (SSC) अंतर्गत ‘जज अॅडव्होकेट जनरल ब्रांच’ (JAG Entry Scheme) मध्ये प्रवेश घेऊ शकतात. हा कोर्स एप्रिल २०२६ साठी आयोजित केला जात आहे आणि त्यामध्ये पुरुष व महिला प्रत्येकी ५ जागा उपलब्ध आहेत.
पात्रता निकष – शिक्षण व स्कोअर
उमेदवारांनी एलएलबी पदवी किमान ५५% गुणांसह उत्तीर्ण केली असावी. तसेच CLAT PG-२०२५ स्कोअर सर्व उमेदवारांसाठी अनिवार्य आहे. LL.M. उत्तीर्ण किंवा LL.M. परीक्षेस बसलेले उमेदवार देखील अर्ज करू शकतात. सर्व उमेदवार बार काउंसिलमध्ये रजिस्ट्रेशनस पात्र असणे आवश्यक आहे.
वयोमर्यादा आणि जन्मतारीख
वयोमर्यादा २१ ते २७ वर्षे आहे (१ जानेवारी २०२६ रोजी). उमेदवाराचा जन्म २ जानेवारी १९९९ ते १ जानेवारी २००५ दरम्यान झालेला असावा. या निकषांनुसार उमेदवारांची पात्रता निश्चित केली जाईल.
निवड प्रक्रिया – एसएसबी इंटरव्यू
शॉर्टलिस्ट झालेल्या उमेदवारांना ई-मेलद्वारे प्रयागराज, भोपाळ, बंगलोर किंवा जालंदर या परीक्षा केंद्रांपैकी एक केंद्र अलॉट केले जाईल. त्यानंतर उमेदवारांनी इंडियन आर्मीच्या संकेतस्थळावर लॉगिन करून एसएसबीची तारीख निवडावी. एसएसबी इंटरव्यू दोन टप्प्यांत होईल – स्टेज १ उत्तीर्ण झाल्यानंतर स्टेज २ साठी पाठविले जाईल. स्टेज २ चे इंटरव्यू ५ दिवसांचे असेल. निवड झालेल्या उमेदवारांची वैद्यकीय तपासणी नंतर केली जाईल.
शॉर्ट सर्व्हिस कमिशनची कालावधी
शॉर्ट सर्व्हिस कमिशनची मुदत १४ वर्षांसाठी आहे. सुरुवातीला १० वर्षे सेवा देणे आवश्यक आहे, नंतर ४ वर्षांनी वाढवता येईल. १० वर्षांच्या सेवेनंतर ऑफिसर्सना परमनंट कमिशन मिळविता येईल, ज्यामुळे स्थिर करिअरची संधी उघडते.
ट्रेनिंग – OTA चेन्नई
निवड झालेल्या उमेदवारांना ४९ आठवड्यांचे प्री-कमिशनिंग ट्रेनिंग ऑफीसर्स ट्रेनिंग अॅकॅडमी (OTA), चेन्नई येथे दिले जाईल. या ट्रेनिंगला यशस्वीरित्या पूर्ण करणाऱ्यांना मद्रास विद्यापीठाकडून ‘पोस्ट ग्रॅज्युएट डिप्लोमा इन डिफेन्स मॅनेजमेंट अँड स्ट्रॅटेजिक स्टडीज’ चे प्रमाणपत्र दिले जाईल.
ट्रेनिंग दरम्यान नियम व भत्ता
अर्ज केल्याच्या नंतर लग्न केलेले उमेदवार ट्रेनिंगसाठी अपात्र ठरतील. ट्रेनिंग दरम्यान लग्न झाल्यास उमेदवारांना परत पाठविले जाईल. जेंटलमेन व लेडी कॅडेट्सना ट्रेनिंग दरम्यान रु. ५६,१००/- मासिक स्टायपेंड मिळेल. याशिवाय इतर भत्ते देखील दिले जातील.
वेतन व अर्ज करण्याची प्रक्रिया
शेवटच्या टप्प्यावर, ऑफिसरची मासिक वेतन रु. ५६,१००/- (पे लेव्हल १०), रु. १५,५००/- मिलिटरी सर्व्हिस पे आणि इतर भत्ते मिळतील. अंदाजे CTC रु. १७-१८ लाख प्रतीवर्ष आहे. पुरुष उमेदवारांनी ऑनलाइन अर्ज ३ सप्टेंबर २०२५ पर्यंत आणि महिला उमेदवारांनी ४ सप्टेंबर २०२५ पर्यंत http://www.joinindianarmy.nic.in
या संकेतस्थळावर करावा. शंका असल्यास संकेतस्थळावर ‘Feedback/Queries’ ऑप्शन वापरता येईल.
Comments are closed.