भारतीय सैन्यात करिअर करण्याचे स्वप्न पाहणाऱ्या तरुणांसाठी ही अत्यंत आनंदाची बातमी आहे. भारतीय थल सेनेने अग्निवीर भरती दुप्पट करण्याचा मोठा निर्णय घेतला असून, येत्या भरती चक्रापासून दरवर्षी तब्बल १ लाख अग्निवीरांची भरती केली जाणार आहे.
सध्या लष्करात सुमारे 1.8 लाख सैनिकांची कमतरता असून, कोरोना काळात दोन वर्षे भरती थांबल्यामुळे ही उणीव अधिक वाढली. २०२६ पासून मोठ्या प्रमाणावर सैनिक निवृत्त होत असल्याने ही बंपर भरती करण्यात येत आहे.
याआधी २०२२ मध्ये केवळ ४० हजार अग्निवीर भरती झाले होते, मात्र आता भरती अडीचपट वाढणार आहे. यासाठी सैन्यातील ट्रेनिंग सेंटरची क्षमता वाढवण्याची तयारी सुरू आहे, ज्यामुळे अधिक तरुणांना दर्जेदार प्रशिक्षण मिळू शकेल.
इतकी मोठी भरती का?
- लष्करात पायदळ विभागात 1.80 लाख सैनिकांची कमतरता
- कोरोना काळात 2 वर्षे भरती बंद
- दरवर्षी 60–65 हजार सैनिक निवृत्त, पण त्याऐवजी नवीन भरती कमी
- अग्निवीर योजनेनंतरही उणीव पूर्ण भरून निघालेली नाही
आतापर्यंत किती अग्निवीर भरती?
२०२२ ते २०२५ अखेरपर्यंत 1,75,000 अग्निवीर भरती, पण गरजेनुसार ही संख्या पुरेशी नसल्याचे लष्कराचे मत.
पुढील योजना
- २०२६ पासून दरवर्षी १ लाख नवीन अग्निवीर भरती
- २०२६ च्या डिसेंबरपासून पहिल्या तुकडीचे अग्निवीर निवृत्त होणार
- जास्त भरतीसाठी ट्रेनिंग सेंटरची क्षमता वाढवली जाणार
लष्कराचे विधान
लष्कराच्या वरिष्ठ अधिकाऱ्यांच्या मते — जितकी कमतरता आहे तितकीच भरती केली जाईल; प्रशिक्षणाचा दर्जा कोणत्याही परिस्थितीत कमी होऊ दिला जाणार नाही.
अग्निवीर बनण्याचे स्वप्न पाहणाऱ्या तरुणांसाठी ही निश्चितच आयुष्य बदलून टाकणारी संधी आहे!
Comments are closed.