फेब्रुवारी–मार्च 2026 रोजी होणाऱ्या दहावी-बारावीच्या परीक्षांसाठी विद्यार्थ्यांची ऑनलाइन नोंदणी सुरू आहे. यंदा राज्य मंडळाने एक नवीन अट घातली असून, विद्यार्थ्यांच्या गुणपत्रिका थेट डिजिलॉकरमध्ये मिळाव्यात म्हणून APAAR ID तयार करणे अनिवार्य करण्यात आले आहे.
राज्य मंडळाचे सचिव दीपक माळी यांनी सर्व शाळा व कनिष्ठ महाविद्यालयांना शक्य तितक्या विद्यार्थ्यांचा APAAR ID तयार करून मंडळाच्या पोर्टलवर अद्ययावत नोंद करण्याच्या सूचना दिल्या आहेत.
केंद्र सरकारने शैक्षणिक नोंदी एकत्रित आणि डिजिटल स्वरूपात ठेवण्यासाठी अपार आयडी अनिवार्य करण्याचे निर्देश दिल्यानंतर राज्यात मागील दोन वर्षांपासून या आयडी निर्मितीचे काम सुरू आहे. आता दहावी-बारावीच्या विद्यार्थ्यांच्या डिजिटल मार्कशीट्स थेट डिजिलॉकरमध्ये उपलब्ध होणार आहेत.
APAAR ID तयार झाल्यास विद्यार्थ्यांच्या सर्व गुणपत्रिका एका डिजिटल ठिकाणी सुरक्षित राहतात. प्रवेश प्रक्रिया सोपी होते, हार्ड कॉपी घेऊन फिरण्याची गरज राहत नाही आणि सरकारी शिष्यवृत्ती मिळवणेही सहज होते. केंद्रीकृत प्रणालीमुळे कागदपत्रे हरवण्याचा धोका जवळजवळ शून्य होतो.
म्हणूनच सर्व शाळा व कनिष्ठ महाविद्यालयांना विद्यार्थ्यांचा APAAR ID त्वरीत तयार करून त्याची नोंद मंडळाला सादर करण्याचे आवाहन करण्यात आले आहे.
Comments are closed.