अहिल्यानगर जिल्हा परिषदेमध्ये सध्या गट ‘क’ आणि गट ‘ड’ मधल्या तब्बल १९५१ पदं अजून भरायचीयत. एकूण मंजूर पदं होती १७,०२०, त्यापैकी १५,०६९ पदं भरलेली असली तरी उरलेली अजून रिकामीच आहेत.
गट ‘क’ मध्ये १६४० पदं रिक्त आहेत. सरळसेवेच्या १४,२३३ पैकी १३,१२३ पदं भरली गेली, पण १११० अजून उरली आहेत. पदोन्नतीसाठी मंजूर १८८२ पैकी ५३० अजून रिक्त आहेत. म्हणजे गट ‘क’ मधल्या १६,११५ मंजूर पदांपैकी १४,४७५ भरले गेले, उरली १६४०.
गट ‘ड’ मधलं चित्रही वेगळं नाही. सरळसेवेच्या ८३९ पैकी ५५१ पदं भरली, पण अजून २८८ उरलीत. पदोन्नतीतही ६६ पैकी २३ अजून रिकामी.
गट ‘क’ व ‘ड’ च्या मिळून एकूण १९४८ पदांपैकी ५५३ अजून रिक्त आहेत. याचा परिणाम म्हणजे – काम करणाऱ्या कर्मचाऱ्यांवर कामाचा जबरदस्त ताण आणि जनतेची कामंही लांबणीवर पडत आहेत.
Comments are closed.