गोंदिया जिल्ह्यातील जिल्हा परिषद शाळांमध्ये ७८३ शिक्षकांची पदे रिक्त असूनही विद्यार्थ्यांची संख्या मोठी आहे. शिक्षक नसल्यामुळे विद्यार्थ्यांचे शैक्षणिक नुकसान होत असून पालक आणि ग्रामस्थ शिक्षण अधिकाऱ्यांकडे वारंवार मागणी करत आहेत.
रिक्त शिक्षक पदांचा आढावा:
- पदवीधर शिक्षक: १९० जागा रिक्त (एकूण मंजूर ९३३ पैकी ७४३ भरल्या)
- सहाय्यक शिक्षक: ५५० जागा रिक्त (एकूण मंजूर २६१४ पैकी २०६४ भरल्या)
- मुख्याध्यापक पदे: ४३ रिक्त
रिक्त पदांमुळे शिक्षण व्यवस्थेवर मोठा ताण आला असून, तात्पुरती सोय म्हणून कंत्राटी शिक्षकांची भरती करण्यात येत आहे. तरीही अनेक शाळांमध्ये शिक्षकांचा अभाव आहे.
शाळांच्या समस्या:
- शाळांच्या इमारती जीर्ण अवस्थेत, नवीन बांधकामासाठी निधीची कमतरता.
- सुरक्षा भिंत, वीज आणि शौचालयासारख्या मूलभूत सुविधा अपुऱ्या.
- विद्यार्थ्यांचे भविष्य धोक्यात, खासगी शाळांकडे पालकांचा कल वाढतोय.
३ तालुक्यांत शिक्षक जायला तयार नाहीत!
जिल्ह्यातील देवरी, सालेकसा आणि अर्जुनी-मोरगाव हे तीन तालुके नक्षलग्रस्त क्षेत्रात येत असल्याने तिथे शिक्षक नियुक्तीला टाळाटाळ केली जात आहे.
शिक्षक भरतीची मागणी प्रबळ
शिक्षक संघटनांनी आणि पालकांनी रिक्त पदे तातडीने भरण्याची मागणी सरकारकडे केली आहे. शिक्षक नसल्याने शैक्षणिक गुणवत्ता घसरत असून, शासनाने त्वरित पावले उचलावी, अशी सर्वांची मागणी आहे.
