महापालिकेच्या शाळांमधील शैक्षणिक दर्जा सुधारण्यासाठी महापालिका आयुक्त नवलकिशोर राम यांनी ७५ शाळा ‘मॉडेल स्कूल’ म्हणून विकसित करण्याचा निर्णय घेतला आहे.
या शाळांमध्ये आवश्यक सुविधा पुरवल्या जातील आणि विद्यार्थ्यांच्या सर्वांगीण विकासावर विशेष भर दिला जाईल. तसेच समाविष्ट गावांमधील शाळा इमारतींच्या दुरुस्त्या केल्या जातील.
बुधवारी महापालिका आयुक्त नवलकिशोर राम यांनी शिक्षण मंडळाच्या अधिकाऱ्यांची विस्तृत बैठक घेतली, ज्यात शाळांच्या इमारती, मैदाने, भौतिक सुविधा आणि शिक्षकांच्या उपलब्धतेविषयी सविस्तर चर्चा झाली.
पहिल्या टप्प्यात या ७५ शाळांवर लक्ष केंद्रित करून विद्यार्थ्यांना दर्जेदार शिक्षण मिळवून देण्याचा उद्देश आहे. केवळ इमारती आणि मैदाने चांगली असणे पुरेसे नाही; त्या शाळांमधील शिक्षणाचा दर्जाही उंचावण्यावर विशेष भर दिला जाईल.
पूर्वीच्या यशस्वी उपक्रमांचा समावेश करून विद्यार्थ्यांच्या शारीरिक आणि मानसिक विकासावर लक्ष केंद्रित केले जाईल. लवकरच आराखडा तयार करून शिक्षण मंडळाद्वारे अंमलबजावणी सुरू होईल.
Comments are closed.