राज्य सरकारच्या नव्या आदेशामुळे सुमारे ७ हजार कला शिक्षकांच्या नोकऱ्यांना धोका निर्माण झालाय. ५०० विद्यार्थ्यांमागे एकच कला शिक्षक अशी अट घालण्यात आली असून, त्यानुसार कमी विद्यार्थी असलेल्या शाळांमधील शिक्षकांना मोठा फटका बसणार आहे.
या निर्णयामुळे इतर विषय शिकवणाऱ्या शिक्षकांकडूनच कला विषय शिकवण्याची अपेक्षा केली जात आहे, जी पूर्णतः अवास्तव आहे. कारण कला शिकवण्यासाठी विशिष्ट ज्ञान आणि सर्जनशील मार्गदर्शन आवश्यक असतं. त्यामुळे विद्यार्थ्यांची प्रगती खुंटू शकते, असा इशारा शिक्षणतज्ज्ञांनी दिलाय.
नवीन राष्ट्रीय शैक्षणिक धोरण सर्जनशील शिक्षणावर भर देतं, पण सरकारचा हा निर्णय त्या धोरणाच्या पूर्ण विरोधात जातो. चित्रकला, हस्तकला, दृश्यकला यांसारख्या विषयांमधून मुलांचं व्यक्तिमत्व खुलतं. पण एकच शिक्षक ५०० विद्यार्थ्यांवर, हे खरंच शिक्षणाचं योग्य रूप आहे का?
Comments are closed.