सरकारी किंवा खाजगी नोकरी करणाऱ्या प्रत्येक कर्मचाऱ्याच्या पगारातून दरमहा PF (Provident Fund) वजावट केली जाते. या निधीमध्ये कर्मचारी आणि नियोक्ता दोघांचंही योगदान असतं. मात्र, केवळ बचत नव्हे तर या खात्यातून अनेक फायदे मिळतात, जे अनेकांना माहीत नसतात. चला, जाणून घेऊया या EPF खात्याचे 7 महत्वाचे लाभ!
1 निवृत्तीवेतनाचा आधार:
EPF मध्ये जमा झालेली रक्कम दोन भागांत विभागली जाते: EPF आणि EPS (Employee Pension Scheme). 58 वर्ष पूर्ण झाल्यावर EPS अंतर्गत पेन्शन सुरू होते.
2 नॉमिनीची सुविधा:
EPF खात्यात नॉमिनी नियुक्ती बंधनकारक आहे. खातेदाराच्या मृत्यूनंतर संपूर्ण रक्कम नॉमिनीला दिली जाते.
3 VPF मध्ये अतिरिक्त गुंतवणूक:
EPF व्यतिरिक्त कर्मचारी इच्छेनुसार VPF (Voluntary Provident Fund) मध्येही अधिक गुंतवणूक करू शकतो.
4 नोकरी बदलल्यावर PF ट्रान्सफर:
नोकरी बदलल्यास, जुने PF खाते बंद करण्याऐवजी नवीन खात्यात ट्रान्सफर करता येते.
5 अर्धवट रक्कम काढण्याची सुविधा:
शिक्षण, विवाह, घरखरेदी किंवा वैद्यकीय गरजा यांसाठी काही प्रमाणात रक्कम काढता येते.
6 कंपाउंड इंटरेस्टचा लाभ:
EPF खात्यावर दरवर्षी 8.15% दराने कंपाउंड इंटरेस्ट मिळतो, ज्यामुळे बचतीत वाढ होते.
7 EDLI अंतर्गत जीवनविमा संरक्षण:
EPF खातेदारांना EDLI (Employees Deposit Linked Insurance) अंतर्गत जीवनविमा संरक्षण मिळते.
