सेंट्रल ड्रग रिसर्च इंस्टिट्यूट (CSIR-CDRI), लखनऊ, भारतातील एक अग्रगण्य जैवतंत्रज्ञान आणि औषध संशोधन संस्था आहे, जिचं औषध निर्मिती आणि आरोग्य क्षेत्रातील प्रगतीसाठी महत्त्वाचं योगदान आहे.
आता या संस्थेत एमफार्मसी, रसायनशास्त्र आणि लाइफ सायन्सेसमध्ये मास्टर्स पदवीधरांसाठी एक उत्तम संधी उपलब्ध झाली आहे. या संधीमध्ये एकूण १६ विविध प्रोजेक्ट्ससाठी प्रोजेक्ट असोसिएट, प्रोजेक्ट रिसर्च सायंटिस्ट अशा पदांसाठी भरती केली जात आहे.
या पदांसाठी उमेदवारांनी वॉक-इन इंटरव्ह्यूमध्ये सहभागी व्हावं लागणार आहे. रसायनशास्त्र आणि फार्मास्युटिकल क्षेत्रातील पदांसाठी वॉक-इन इंटरव्ह्यू दिनांक ११ सप्टेंबर २०२५ रोजी घेतले जाणार आहे, तर लाइफ सायन्सेस क्षेत्रातील पदांसाठी १२ सप्टेंबर २०२५ रोजी इंटरव्ह्यू आयोजित केला आहे. प्रत्येक पदासाठी वेतनरचना वेगळी असून, मासिक वेतन रु. २५,००० पासून ते रु. ५६,००० पर्यंत आहे. याशिवाय उमेदवारांना १६% ते २०% पर्यंत हाऊस रेंट अलाउंस (HRA) देखील मिळणार आहे.
पदांसाठी उमेदवारांची वयोमर्यादा ३५ वर्षे आहे, पण शासकीय नियमांनुसार अनुसूचित जाती, अनुसूचित जमाती, महिलांसाठी आणि इतर विशेष वर्गांसाठी वयोमर्यादेत सूट दिली जाईल.
इच्छुक उमेदवारांनी संस्थेच्या अधिकृत वेबसाइटवर जाऊन अर्ज फॉर्म डाउनलोड करावा, तसेच सर्व आवश्यक प्रमाणपत्रे, मार्कशीट्स आणि फोटोसह ठरलेल्या दिवशी योग्य वेळी संस्थेच्या लखनऊ येथील कार्यालयात वॉक-इन इंटरव्ह्यूसाठी हजर रहावे.
ही संधी औषध संशोधन, जैवतंत्रज्ञान आणि संबंधित क्षेत्रात करिअर घडवण्यासाठी अत्यंत उपयुक्त आहे. त्यामुळे या क्षेत्रात पुढे जाण्याची इच्छा असलेल्या उमेदवारांनी नक्कीच या संधीचा फायदा घ्यावा.
Comments are closed.